Katar 2022/ Kombëtarja zhvillon seancën e parë stërvitore

ATSH 09 Nentor 2021

TIRANË, 9 nëntor/ATSH/ Kombëtarja shqiptare ka nisur sot zyrtarisht përgatitjet për dy ndeshjet e eliminatoreve të Botërorit Katar 2022 ndaj Anglisë dhe Andorrës.

Kuqezinjtë kanë zhvilluar dje seancën e parë stërvitore nën urdhrat e trajnerit Edoardo Reja dhe stafit teknik në kompleksin Tropikal në Durrës.

Departamenti i Komunikimit në FSHF bën me dije se në seancën e djeshme nuk kanë marrë pjesë vetëm 4 nga lojtarët e ftuar për këto dy sfida.

Mbrojtësi Marash Kumbulla dhe sulmuesi Bekim Balaj të cilët mbërritën gjatë pasdites së të hënës në Shqipëri, ndërsa portieri Thomas Strakosha nuk është stërvitur me grupin për shkak të një shqetësimi në gju dhe i është nënshtruar testeve mjekësore të mëtejshme.

Me skuadrën nuk ka qenë të hënën as sulmuesi Armando Broja, i cili pritet të mbërrijë sot në Shqipëri.

Skuadra do të vijojë sot me përgatitjet teksa ekipi kuqezi do të zbresë në ora 15:00 në fushë për stërvitjen e radhës.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.