Koronavirusi godet edhe futbollin; Champions: mjaft ndeshje pa spektatorë

TV TRIBUNA 10 Mars 2020

Pak orë para fillimit të sfidës së radhës të Champions League, mbetet ende e paqartë se sa ndeshje do të zhvillohen pa pjesëmarrjen e spektatorëve, në zbatim të masave që kanë marrë qeveritë e vendeve të ndryshme për shkak të Koronavirusit.

Të martën, sipari ngrihet me ndeshjet Valencia-Atalanta që do të zhvillohet pa spektatorë dhe Laipcig-Totteham.

Një ditë më vonë, të mërkurën, stadiumi Parc des Princes në Paris do të jetë pa spektatorë në ndeshjen PSG-Borussia Dortmund, pas vendimit të qeverisë franceze që të ndalojë grumbullimet me më shumë se 1.000 persona.

Gjithashtu, qeveria katalanase ka vendosur që ndeshja Barcelona-Napoli, javën e ardhshme të zhvillohet me dyer të mbyllura, gjë që pritet të konfirmohet edhe nga UEFA.

Sipas të gjitha gjasave, edhe Juventus-Lion javën e ardhshme do të luhet pa spektatorë. Juventinët kërkuan që ndeshja të zhvillohej në Maltë, mirëpo autoritetet malteze nuk pranuan.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.