Kuazimodo përqafon Katedralen e Parisit. Historia e vizatimit emocionues

TV TRIBUNA 18 Prill 2019

Një vizatim i arkitektes dhe piktores nga Ekuadori Cristina Correa, ka shprehur më së mirë se si ndihet njerëzimi pas zjarrit shkatërrues në katedralen e Parisit, të hënën pasdite.

Vizatimi tregon personazhin e njohur të romanit të famshëm të Viktor Hygoit, gungaçin Kuazimodo, duke mbajtur në përqafim katedralen.

“Duke parë pamjet e zjarrit, më erdhi menjëherë në mend kjo skenë nga filmi vizatimor i Disney-t, ku Kuazimodo përqafon ciganen Esmeralda”, rrëfen artistja 38 vjeçare.

Ajo e publikoi vizatimin në llogarinë e vet në Instagram, ku deri të mërkurën kishte grumbulluar 200.000 pëlqime (likes).

Prej andej vizatimi kaloi në Facebook dhe Twitter, ku asi i PSG, Neymar e shpërndau me mesazhin “Pray for France” (Lutemi për Francën”.

Arkitektja që kishte vizituar katedralen Notre Dame para dhjetë vjetësh, ishte duke punuar në atelienë e vet të hënën, kur u informua për zjarrin nga mesazhet e miqve. Ashtu siç bën që kur ishte fëmijë, reagimi i saj i parë ishte të merrte një letër dhe lapsin dhe të konturonte personazhin e Hygoit...

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.