Lira turke bie në nivelin më të ulët historik

ATSH 10 Gusht 2018

STAMBOLL, 10 gusht /ATSH-AFP/ – Lira turke ka pësuar rënie të ndjeshme duke humbur më shumë se 7% të vlerës së saj përballë dollarit, në sfondin e krizës diplomatike mes Turqisë dhe SHBA-së dhe shqetësimeve përballë ndikimit mbi bankat europiane.

Kartmonedha turke ka arritur për herë të parë në pragun gjashtë për një dollar pasi humbi rreth 12% të vlerës së saj. Ajo u këmbye në orën 08H30 GMT me 5,96 për një dollar duke shënuar një rënie prej 7%.

Lira turke, vlera e të cilës ka rënë më shumë se një të tretën përballë dollarit dhe euros që prej fillimit të vitit, është ulur tashmë më shumë se 5% përballë dollarit.

Kjo rënie e ndjeshme ndodhi ndërkohë që Turqia është përfshirë në një krizë të rëndë diplomatike me SHBA-në për çështjen e një pastori amerikan të ndaluar nga Ankaraja.

Këto dy aleatë brenda NATO-s kanë vendosur javën e kaluar sanksione reciproke kundër zyrtarëve qeveritarë.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.