Lobi Euro-Atlantik Shqiptar përshëndet formimin e qeverisë së Kosovës

TV TRIBUNA 04 Shkurt 2020

Lobi Euro Atlantik Shqiptar ka përshëndetur formimin e qeverisë së re të Kosovës, nën drejtimin e kryeministrit Albin Kurti.

Në telegramin e urimit të nënshkruar nga kryetari i Lobit, Shukri Ymeri dhe që iu drejtohet gjithë shqiptarëve, nënvizohen pritshmëritë për realizimin e gjithë premtimeve të programit elektoral. Lobi gjithashtu shpreh gatishmërinë për mbështetjen pa rezerva të qeverisë së re, duk qenë e hapur për partneritet, në dobi të interesave të shqiptarëve kudo që ndodhen.

I gjithë teksti i telegramit ka si më poshtë:

Kryesia e Lobit Euro-Atlantik Shqiptar uron zotin Albin Kurti për marrjen e detyrës në postin e Kryeministrit dhe formimin e Qeverisë së re të Republikës së Kosovës, me dëshirën dhe sinqeritetin me të madh duke i dëshiruar punë të mbarë në realizimin e detyrimeve shtetërore, kombëtare e qytetare!

Lobi Euro-Atlantik Shqiptar, ka besimin e plotë tek  Kryeministri aktual dhe partnerët e tij të koalicionit  qeverisës dhe pret nga ai dhe ata së bashku që të arrijnë realizmin e të gjitha premtimeve para elektorale; projekteve qeverisëse, si dhe angazhimin e tij intensiv në përparimin e  marrëdhënieve dhe raporteve të ngushta vëllazërore me  Shqipërinë dhe atë në të gjitha fushat e veprimit si në shëndetësi, arsim, ekonomi, tregti, zhvillim industrial, mbrojtje, marrëdhënie ndërkombëtare dhe në  përmirësimin e mirëqenies së qytetarëve shqiptarë si brenda ashtu dhe jashtë territorit të Republikës së Kosovës.

Lobi Euro-Atlantik Shqiptar kërkon nga kryeministri Kurti dhe qeveria e tij që ta thellojnë bashkëpunimin me Qeverinë shqiptare në proceset zhvillimore dhe ato të  integrimeve euroatlantike.

Organizata e Lobit Euro-Atlantik Shqiptar shpreh po ashtu gatishmërinë e saj të plotë dhe mbështet pa rezervë Qeverinë e sapo formuar të Republikës së Kosovës dhe e njofton Kryeministrin Kurti se Organizata jonë LEASH-i në kuadër të Platformës për bashkimin e Mërgatës shqiptare anë e mbarë botës, do të jetë e hapur për partneritet të përhershëm me institucionet  shtetërore të Kosovës, dhe do të jetë gjithmonë në shërbim të interesave kombëtare dhe gjithë Shqiptarëve kudo që janë.

Kryesia e Lobit Euro-Atlantik Shqiptar

SHUKRI YMERI, kryetar (Lörach-Gjermani)

Ndaje me miqte