Mërgim Mavraj vjen te Aris i Selanikut

Tribuna TV 05 Shtator 2018

Pas Migjen Bashës, një tjetër lojtar i Kombëtares shqiptare i është bashkuar Aris-it të Selanikut.

Mërgim Mavraj është transferta më e fundit. Presidenti i klubit, Theodoris Karipidis ka vendosur në Instagram fotografinë e Mavrajt, veshur me fanellën verdhezi. Karipidis u ka dhënë kështu përgjigje ankesave të tifozëve, që ndeshjen me Larisën kishin shpalosur një banderolë ku shkruhej “Kështu ju?”.

“Kështu ne!”, e shoqëron statusin e vet presidenti i klubit.

Lajmin e kanë transmetuar menjëherë gjithë mediat sportive greke, duke e cilësuar këtë transfertë si një “bombë”.

Mavraj pritet që gjatë të mërkurës të dërgojë të firmosur kontratën e vet, e cila sipas burimeve të TV Tribuna do të jetë dyvjeçare.

I lindur në Gjermani nga prindër shqiptarë prej Kosovës, Mërgim Mavraj vjen nga Bundesliga, ku luante me Hamburgun. Ai është aktivizuar dhe me kombëtaret gjermane U-20 dhe U-21, ndërsa nga 2012-a iu bashkua Kombëtares Kuqezi.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.