Marcelo e pranon: “Ishte penallti, po kështu e ka futbolli”

Tribuna TV 02 Maj 2018

Mbrojtësi brazilian i Real Madridit, Marcelo, e ka pranuar se ishte me fat që gjyqtari Cuneyt Çakir nuk e ndëshkoi për penalltinë, edhe pse ky mosndëshkim kishte si rezultat kualifikimin e spanjollëve për në finale.

Marcelo e ndaloi topin me dorë në një gjuajtje të Kimmich në përfundim të pjesës së parë dhe kur rezultati ishte 1-1, por gjyqtari Çakir nuk dha gjë.

“Ishte dorë, topi goditi dorën dhe mendoj se ishte penallti”, u deklaroi gazetarëve Marcelo.

“Po të thoja që nuk e preka topin, do të ishte gënjeshtër. Mirëpo kështu është futbolli. Nuk flas për arbitrat, por është e qartë që disa herë të favorizojnë dhe herë të tjera janë kundër teje. Mirëpo, çfarëdo që të ndodhë, duhet të luash futboll”, tha mbrojtësi brazilian.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.