Mblidhnin bimë medicinale në Greqi, arrestohen 6 shtetas shqiptarë

Tribuna TV 26 Prill 2018

Gjashtë shtetas shqiptarë janë arrestuar nga policia greke, që thotë se i ka kapur në flagrancë duke mbledhur bimë medicinale, pasi kishin hyrë në mënyrë të paligjshme në Greqi.

Ata u arrestuan ndërsa ishin nisur për kthim në atdhe. Sasia e bimëve të mbledhura, me peshë 132 kilogramë, ishte ngarkuar në dhjetë mushka, që gjithashtu u sekuestruan.

Sipas policisë, bimët aromatike-medicinale ishin mbledhur në malin e Gramozit, në lartësinë 1.800 metra.

Gjashtë të arrestuarit, që u përkasin moshave nga 24 deri në 52 vjeç, do të dërgohen në prokurorinë e Kosturit.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.