Messi e Modriç frymëzojnë Argjentinën dhe Kroacinë për gjysmëfinalen

12 Dhjetor 2022

DOHA, 12 dhjetor /ATSH/ –  Lotët rrjedhin nga superyjet më të mëdhenj të futbollit, teksa po dalin fizikisht dhe emocionalisht nga ai që mund të jetë botërori i tyre i fundit, shkruan apnews.com.
Fillimisht ishte Neymar.
Më pas ishte Cristiano Ronaldo.
A mund të jetë Lionel Messi ai i radhës?
35-vjeçari argjentinas e udhëhoqi skuadrën e tij deri në gjysmëfinale, në të njëjtën mënyrë që Diego Maradona, njeriu me të cilin shpesh krahasohet Messi, udhëhoqi vendin e Amerikës së Jugut drejt titullit të tij të dytë dhe të fundit botëror në vitin 1986.
Tani në rrugën e Argjentinës qëndron Kroacia, një vend me një popullsi prej katër milionë banorësh, i cili po vendoset si kundërshtari i saj më kokëfortë dhe më i qëndrueshëm, ndërkohë që mburret me një nga lojtarët më të hijshëm të futbollit, Luka Modriç.
Ekipet do të takohen në stadiumin ”Lusail”, gjithashtu shtëpia e finales së së dielës, në një ndeshje midis dy nënkampionëve të fundit të turneut, Argjentinës në 2014 dhe Kroacisë në 2018.
Mund të pritej që Argjentina të ishte në këtë pozicion.

Messi
Skuadra shkoi në Kupën e Botës si kampione e Kupës së Amerikës, me një seri prej 36 ndeshjesh e pamposhtur dhe me Messin të rikthyer në formë sublime për ”Paris Saint-Germain”.
Kishte shumë më pak zhurmë rreth kroatëve, megjithatë ata vazhdojnë të befasojnë ashtu siç bënë katër vjet më parë kur vrapimi i tyre në finale përfshinte një fitore 3-0 kundër Argjentinës në fazën e grupeve.
Ata gjithashtu arritën në gjysmëfinale të Kupës së Botës në 1998.
Të dyja skuadrat kanë kaluar periudha të vështira. Momenti më i errët i Argjentinës erdhi pikërisht në fillimin e turneut, pas humbjes 2-1 nga Arabia Saudite në atë që do të bëhet një nga tronditjet më të mëdha të Kupës së Botës.
E frymëzuar nga Messi, Argjentina fitoi dy ndeshjet e fundit në grup, mposhti Australinë 2-1 në raundin e 16-të dhe më pas u deshën penalltitë për të mposhtur Holandën në një ”finale” të egër.
Messi tani ka katër gola në turneun në Katar, duke e lënë atë vetëm një gol pas golashënuesit më të mirë Kylian Mbappé. Ata janë padyshim dy lojtarët e shquar në një Kupë Bote që ka parë që shumë lojtarë të tjerë të mirë të kenë përmbushur reputacionin e tyre fisnik.

Modriç
Ndërkohë, Modriç mund të mos ketë shënuar gol. Ai nuk pati as edhe një asist. Por nuk duhet nënvlerësuar rëndësia për Kroacinë e magjistarit të vogël, i cili i bën gjërat të shkojnë deri në mesfushë dhe arrin të kontrollojë një skuadër që lufton deri në minutën e fundit.
Në vitin 2018, të gjitha ndeshjet me eliminim direkt të Kroacisë shkuan në kohë shtesë para se të humbnin nga Franca në finale, dhe e njëjta gjë po ndodh në Katar, me fitoret e ndeshjeve kundër Japonisë në raundin e 1/16-ave dhe Brazilit në çerekfinale.
Kroacia dukej më komode kundër Brazilit sesa kundër Japonisë, gjë që tregon se skuadra mund të jetë më e lumtur të kërkojë presion dhe të zgjedhë momentet e saj për të avancuar në vend që të kontrollojë ndeshjet dhe të jetë më e ndjeshme ndaj kundërsulmeve.
Markimi i Messit do të jetë çelësi i fitores.

Ndaje me miqte