Mitsotakis hyn pa dokumente identiteti në Turqi; mbahet në pikën kufitare

Tribuna TV 14 Maj 2018

Lideri i opozitës greke, Kyriakos Mitsotakis, ka mbetur i bllokuar për disa orë në një pikë kalimi kufitar me Turqinë. Mitsotakis, kaloi kufirin midis të dy vendeve dhe u paraqit në pikën kufitare Ipsala. Por aty konstatoi i habitur se nuk kishte me vete asnjë dokument udhëtimi; as pasaportën, as letërnjoftimin.

Nga ana e tyre, autoritetet turke, nuk mund t’i lejonin hyrjen në territorin e vendit, por as kthimin në territorin grek, pasi duhej zbatuar procedura e zakonshme për gjithë ata që nuk kanë dokumente te rregullta.

Burime nga Demokracia e re, të pyetura nga mediat, kanë thënë se nuk ka ndodhur asgjë.

Mirëpo vetë Mitsotakis ka publikuar në Instagram një fotografi me bashkëshorten ku me një ndjenjë humori shkruan:

“Dogana Kipoi (Ipsala). Kur konstaton se ke harruar pasaportën dhe mendon se e ke gjetur fajtorin”.

Mitsotakis kishte planifikuar që të merrte pjesë në një veprimtari fetare në ishullin Gokçeada (Imvro për grekët), ku jetojnë rreth 300 qytetarë turq me origjinë greke.

Shefi i opozitës greke shtoi në Instagram se ai shpresonte që të mbërrinte në ishull në mbrëmje vonë.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.