Mitsotakis: Nuk do të lejojmë të na shantazhojnë nëpërmjet migrantëve

ATSH 10 Mars 2020

BERLIN, /ATSH-DPA/- Kryeministri grek, Kyriakos Mitsotakis, tha se Greqia dhe BE-ja nuk do të lejojnë që të shantazhohen nga Turqia nëpërmjet krizës së migrantëve.

“Ky është një çast kritik për Greqinë dhe Europën”, tha Mitsotakis gjatë forumit ekonomik greko-gjerman, në Berlin.

Ai bëri gjithashtu thirrje që presidenti turk, Recep Tayyip Erdogan të kontribuojë në uljen e tensioneve gjatë vizitës së tij sot në Bruksel.

“Turqia po përpiqet të shndërrojë dhjetëra mijëra migrantë në migrantë të paligjshëm. Kufiri i jashtëm i BE duhet të mbrohet”, shtoi Mitsotakis, duke i kërkuar Turqisë që të marrë sërish migrantët e paligjshëm që janë arrestuar në territorin grek.

Kryeministri grek mirëpriti planet e qeverisë gjermane për të mbështetur Greqinë dhe pranoi, së bashku me shtetet e tjera të BE-së, të marrë rreth 1 000 deri 1 500 fëmijë, të cilët jetojnë në kampe në ishujt e Egjeut.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.