Mitsotakis për Agimin e Artë: “Sot fitoi demokracia”

TV TRIBUNA 07 Tetor 2020

Pas shpalljes së vendimit të gjykatës që e cilëson Agimin e Artë si organizatë kriminale, kryeministri grek, Kyriakos Mitsotakis, u është drejtuar qytetarëve me një mesazh televiziv:

Me vendimin e sotëm të gjykatës së apelit për aktivitetin e Agimit të Artë mbyllet një cikël traumatik i jetës publike të vendit.

Dimensioni politik është gjykuar me fitoren e demokracisë që nxori jashtë parlamentit morfemën naziste.

Tani, drejtësia e pavarur jep edhe ajo përgjigjen e vet.

Si kryeministër i shmangem me ndërgjegjje komentimit të vendimeve gjyqësore.

Mirëpo, si qytetar grek marr pjesë në kënaqësinë e përgjithshme për evidentimin e karakterit kriminal të saj.

Dhe jam krenar për qëndrimin e patundur të partisë tonë që e shtroi si objektiv strategjik margjinalizimin politik dhe shoqëror të Agimit të Artë.

Sepse Demokracia e re e luftoi kaherë, në mënyrë konstante dhe kudo fashizmin.

Denoncoi populizmin që e ushqeu në sheshet e urrejtjes së verbër dhe të dhunës.

Për asnjë çast nuk u bashkërendua me përfaqësues të saj, qoftë në alternativa politike, qoftë në votime parlamentare.

Me një dispozitë që votoi ajo, i përjashtoi nga financimi shtetëror.

Kundërshtoi që të legjitimojë prezencën e vet madje dhe në veprimtari të zakonshme ceremoniale.

Historia shkroi se gjatë ditëve të Demokracisë së re u hap rruga për një gjykim të Agimit të Artë.

Gjithashtu gjatë ditëve të saj u lehtësua dhe u përshpejtua procesi që dështonte për katër vjet e gjysmë.

Kështu që të arrijmë sot drejtësia të marrë vendimet e veta.

Morfema naziste, pas kutisë së votimit, u ndëshkua edhe në gjyq.

Është një dëshmi e forcës që rrezaton sistemi parlamentar dhe ndarja e pushteteve.

Uniteti, e vërteta dhe normaliteti.

Ndërkaq, gjyqi ndaj racizmit, ndaj urrejtjes dhe dhunës brenda shoqërisë mbetet i vazhdueshëm.

Demokracia sot fitoi. Është në dorën e të gjithë neve që të fitojë çdo ditë.

Ndaje me miqte