Mitsotakis: " Vihet në provë kredibiliteti i BE"

TV Tribuna 10 Dhjetor 2020

Kryeministri grek, Kyriakos Mitsotakis, ka theksuar se vihet në provë kredibiliteti i Bashkimit Europian, duke iu referuar vendimeve që pritet të merren në samitin e Unionit lidhur me Turqinë.

Në rendin e ditës jashtëzakonisht të pasur të takimit europian të nivelit të lartë, veçoj dy çështje të cilat kanë rëndësi të veçantë:

E para ka të bëjë me veton që kanë paralajmëruar Hungaria dhe Polonia sa i përket buxhetit dhe Fondit të Rimëkëmbjes.

Gjykoj se propozimi i kompromisit që është arritur lëviz në drejtimin e duhur dhe se kjo çështje do të zgjidhet sot.

Siç e dini, Greqia është një nga vendet e para që ka depozituar planin e vet të detajuar se si do të shfrytëzojë burimet e Fondit të Rimëkëmbjes.

Është tepër e rëndësishme, duke pasur parasysh edhe dimensionin e krizës ekonomike, që paratë nga fondi i rimëkëmbjes të shkojnë në ekonomitë reale të Europës sa më shpejt që të jetë e mundur.

Çështja e dytë që do të na preokupojë, ka të bëjë me situatën në Mesdheun Lindor dhe marrëdhëniet tona me Turqinë.

Këtu ajo që vihet në provë është mjaft e qartë: Kredibiliteti i Bashkimit Europian.

Në Këshillin Europian të tetorit, vendosëm, gjithë shefat e shteteve dhe qeverive, që në rast se Turqia vazhdon sjelljen delikuente do ketë pasoja.

Dhe përcaktuam bashkarisht se data e marrjes së vendimeve do të jetë sy samit, samiti europian i dhjetorit.

Tani, pra do të duket nëse vërtet si Europë jemi të besueshëm në ato për të cilat vetë ne kemi rënë dakord. “Pacta sunt servanda” (“Marrëveshjet duhet të mbazhen”).

Ndaje me miqte