Ndërtimi i linjës hekurudhore Vorë-Hani i Hotit, nënshkruhet marrëveshja me BEI-n

ATSH 20 Mars 2024

TIRANË, 20 mars/ATSH/ Zëvendëskryeministrja njëherësh ministre e Infrastrukturës dhe Energjisë, Belinda Balluku si dhe zëvendëspresidenti i Bankës Europiane të Investimeve, Kyriakos Kakouris nënshkruan sot marrëveshjen për ndërtimin e linjës hekurudhore Vorë-Hani i Hotit.

Në ceremoninë e nënshkrimit të marrëveshjes ishte i pranishëm edhe Kryeministri Edi Rama.

“Nënshkruam marrëveshjen me Bankën Europiane të Investimeve, një tjetër partner me qeverinë shqiptare në projektin tonë madhor të ndërtimit të linjës hekurudhore Vorë-Hani i Hotit”, u shpreh ministrja Balluku.

Zv/kryeministrja e cilësoi ndërtimin e kësaj linje prej 120 kilometrash, me rëndësi jo vetëm për Shqipërinë, por edhe rajonin.

“Do të lehtësojë lëvizjen e qytetarëve, por edhe të mallrave”, shtoi Balluku.

Pas Tiranë-Durrës me degëzim në Rinas, ministrja Balluku bëri të ditur se segmenti Vorë-Hani i Hotit është projekti i dytë madhor i qeverisë shqiptare në transportin hekurudhor.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.