Njeriu më i moshuar në botë vdiq 119 vjeç

TV TRIBUNA 25 Prill 2022

Në moshën 119 vjeçe vdiq japonezja Kane Tanaka, që ishte njeriu më i moshuar në botë.

Kane Tanaka, që u nda nga jeta në 19 prill 2022, ishte lindur në 7 janar 1903 në Fukuoka, në pjesën juglindore të Japonisë.

Shëndeti i saj ishte relativisht i mirë deri para pak kohësh dhe jetonte në një azil në vendlindjen e saj. I pëlqente të luante lojëra tavoline, të zgjidhë probleme matematike dhe kishte debulesë për sodën dhe çokollatën.

Në moshë më të re Tanaka ishte marrë me tregti dhe kishte ndër të tjera një dyqan me noodle. U martua në 1922, lindi katër fëmijë dhe birësoi një të pestë.

Në vitin 2019 libri i rekordeve Guinne’s i kishte akorduar titullin e njeriut më të moshuar në botë. Kur u pyet atëherë se cili ishte momenti më i lumtur i jetës së saj, u përgjigj: “Tani!”.

Në jetën e saj të përditshme zgjohej në ora 6 të mëngjesit dhe pasditen e kalonte duke studiuar matematikës po duke u marrë me kaligrafi (bukurshkrim).

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.