Nxirret e gjallë nga rrënojat e tërmetit një grua në Durrës, deri tani 44 të shpëtuar

ATSH 26 Nentor 2019

TIRANË, 26 nëntor/ATSH/-Pas disa orësh kërkim-shpëtim të Shqipërisë dhe Forcat e Sigurisë së Kosovës bënë të mundur nxjerrjen të gjallë nga rrënojat një grua te lagjja 18 në Durrës.

E shpëtuara nga rrënojat e një pallati 6-katësh pas 14 orë përpjekjesh, forcat speciale Renea bënë të mundur nxjerrjen e 30-vjeçares, Diena Meçaj Karanxha ndërsa nga ekipi i ATSH-së raportohet se vajza e saj 9-vjeçare nuk mundi të mbijetonte. Më herët, ekipet e shpëtimit nxorën të gjallë babain e 30 vjeçares.

Sipas informacioneve paraprake nga Ministria e Mbrojtjes, është bërë e mundur shpëtimi i 44 personave ndërsa numri i viktimave ka arritur në 20 në Durrës dhe Thumanë, dy nga zonat më të prekura nga tërmeti.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.