Operacionet në detin Egje, luftanija shqiptare “Lissus” shpëton 84 emigrantë

ATSH 02 Dhjetor 2018

Anija e Forcës së Armatosur “Lissus”, ka shpëtuar 84 persona në dy operacione të njëpasnjëshme në detin Egje.
Operacionet, sipas njoftimit të Ministrisë së Mbrojtjes janë zhvilluar në kuadër të parandalimit dhe shpëtimit të emigrantëve.
Operacioni i parë është zhvilluar në orën 21:35 të ditës së shtunë dhe i dyti sot në orën 10:25.
Gomonia e parë kishte 39 persona në bord; 31 palestinez dhe 8 sirian.
Gomonia e dytë me 45 persona në bord;31 burra, 5 gra dhe 9 fëmijë.
Gjithashtu, ekuipazhi shqiptar, i përbërë nga zhytës dhe infermierë dhe i pajisur me gomonen e anijes, ka qëndruar në gatishmëri për evakuimin e personave në rast emergjent.
Anija shqiptare “Lissus” ka mbajtur nën kontroll gomonen, deri në imbarkimin e personave në bord.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.