Orban nuk mbështet më kreun e listës së PPE-së, Manfred Weber

ATSH 06 Maj 2019

Kryeministri nacional-konservator hungarez, Viktor Orban njoftoi se nuk do të mbështeste më kryesuesin e listës së Partisë popullore europiane (PPE, e djathta) Manfred Weber në zgjedhjet europiane, pasi akuzoi kandidatin kristian-demokrat gjerman se ka ofenduar vendin e tij.

Prej disa muajsh në një situatë komplekse me liderët e PPE-së, forca e parë politike konservatore në Parlamentin Europian, Orban u pezullua përkohësisht nga kjo parti në mars për shkak të qëndrimeve euroskeptike.

Megjithëse deri më tani kryeministri hungarez e kishte mbështetur Weber, i cili në rast fitoreje pritet të pasojë Jean-Claude Juncker në krye të Komisionit Europian.

Një intervistë e Weber-it për televizionin publik gjerman ZDF ndër të tjera e bëri atë të ndryshonte mendim, sqaroi Orban.

‘’Weber deklaroi se jo vetëm që nuk kishte nevojë për votat hungareze për t’u zgjedhur president i Komisionit, por gjithashtu nuk i donte votat hungareze për t’u emëruar president i Komisionit’’, u shpreh ai gjatë një konference shtypi në Budapest.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.