Përfundon rehabilitimi i aksit Karbunarë- ish fabrika e Plasmasit, Lushnje

ATSH 25 Qershor 2019

TIRANË, 25 qershor /ATSH/- Përfundoi rehabilitimi i plotë dhe me standarde i aksit rrugor Karbunarë- ish fabrika e Plasmasit, në Lushnje, një investim e fonde nga buxheti i shtetit që u realizua nga Fondi Shqiptar i Zhvillimit.

Ky aksi i rëndësishëm, kalon në një zonë me aktivitet intensiv ekonomik tregtar dhe bujqësor. Ndër vite i lënë në gjendje të mjerueshme, me gropa pa sinjalistike dhe me mjaft probleme në qarkullimin e mjeteve, sot punimet e kanë kthyer në një aks të zgjeruar rrugor me 2 korsi nga 4 metra dhe të gjithë parametrat e duhur.

Fondi Shqiptar i Zhvillimit njofton se, investimi përfshiu edhe ndërtimin e infrastrukturës nëntokësore dhe të trotuareve në ato pjesë që kalojnë nëpër zona të banuara, duke krijuar komoditetin dhe sigurinë e lëvizjes edhe për kalimtarët.

Infrastruktura e re, do të rrisë aksesin e qarkullimit të automjeteve dhe do të nxisë zhvillimin e aktivitetit ekonomik dhe tregtar në këtë zonë që shqyhet për potenciale të larta bujqësore dhe agroturistike.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.