Partizani, fitues i “Kupës së Shqipërisë” në volejboll për meshkuj

ATSH 18 Mars 2024

Partizani është fitues i “Kupës së Shqipërisë” në volejboll për meshkuj.

Te kuqtë e drejtuar nga trajneri Ylli Tomorri kanë arritur të ngrenë lart trofeun, pasi mundën me rezultatin e pastër 3-0 bardheblutë e Tiranës në sallën “Feti Borova”.

Derbi i Kupës foli tërësisht për skuadrën e Ylli Tomorrit, me Partizanin që dominoi në çdo aspekt ndaj një Tirane të pafuqishme dhe me shumë gabime.

Trofeu i ekipit fitues u dorëzua në fund të ceremonisë nga presidenti i Federatës Shqiptare të Volejbollit, Erlind Pëllumbi.

Ky ishte suksesi i 14-të në histori në Kupë për të kuqtë, të cilët po zhvillojnë një sezon fantastik, teksa vetëm dy javë më parë ngritën lart edhe trofeun mbarëkombëtarë të Ligës “Gjergj Kastrioti”, duke e mundur edhe aty Tiranën 3-0, ndërsa janë gjithashtu edhe kryesues me pikë të plota në kampionat.

Nga ana tjetër bardheblutë ua dorëzojnë rivalëve të qytetit fronin në Kupë, aktivitet që i kishte parë të besuarit e Arben Sakos fitues në dy edicionet e fundit.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.