PD: S"??mund të ketë zgjedhje pa nxjerrë para drejtësisë ata që vodhën votat

ATSH 18 Qershor 2019

TIRANË, 18 qershor /ATSH/ – Sekretari i Përgjithshëm i Partisë Demokratike, Gazment Bardhi në një konferencë për shtyp ka theksuar sot se, “përgjimet e publikuara nga gazeta gjermane ‘Bild’ janë radiografia e vjedhjes së zgjedhjeve”.

Sipas tij, Durrësi dhe Dibra janë dy krime të rënda elektorale, duke shtuar se nuk mund të ketë zgjedhje pa nxjerrë para drejtësisë ata që vodhën votat.

“Prej tre vjetësh, prokuroria nuk bën asnjë hetim, nuk ka thirrur një herë të vetme një prej politikanëve që shqiptarët i kanë dëgjuar vetë se si shesin, blejnë, kërcënojnë, shantazhojnë qytetarët në emër të pushtetit të vjedhur”, tha Bardhi.

Ai deklaroi se për shqiptarët tani është e qartë se nuk mund të ketë zgjedhje me Ramën kryeministër dhe pa nxjerrë para drejtësisë ata që vodhën votat.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.