Peru, arrestohet me akuzën për korrupsion ish-presidenti Toledo

ATSH 17 Korrik 2019

LIMA, 17 korrik /ATSH-DPA/ – Ish-presidenti peruan, Alejandro Toledo u arrestua në Shtetet e Bashkuara të Amerikës pas një kërkese për ekstradim të paraqitur nga Lima, sipas zyrës së prokurorit të Perusë.

”Toledo u paraqit para gjykatës amerikane si pjesë e procedurave të ekstradimit. Një seancë tjetër ndaj tij është caktuar për ditën e premte’’, theksuan autoritetet amerikane.

Toledo ishte i arratisur nga viti 2017, kur një gjykatës urdhëroi që ai të arrestohej në mënyrë parandaluese për një afat 18 mujor.

”Ai dyshohet për marrjen e ryshfeteve deri në 31 milionë dollarë nga gjiganti ndërtimor brazilian ‘Odebrecht’ në këmbim të një kontrate për ndërtimin e rrugëve”, njoftoi agjencia kombëtare peruane e lajmeve, Ande.

Toledo mohon akuzat dhe pretendon se ato janë të motivuara politikisht.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.