Policia arreston bosin më të kërkuar të mafias Matteo Messina Denaro

ATSH 16 Janar 2023

MILANO, 16 janar /ATSH/-Policia e Karabinierëve të Italisë arrestoi sot Matteo Messina Denaro, bosi më i kërkuar i mafias në vend, i cili kishte qenë në arrati për tre dekada, sipas Reuters.

Messina Denaro, i cili u arrestua në kryeqytetin siçilian Palermo, dyshohet se është një bos i mafies “Cosa Nostra” të Siçilisë.

Ai është dënuar në mungesë, me burgim të përjetshëm për vrasjen e prokurorëve antimafia në vitin 1992, Giovanni Falcone dhe Paolo Borsellino.

Ai gjithashtu po përballet me një dënim të përjetshëm për rolin e tij në sulmet me bomba në Firence, Romë dhe Milano, të cilat vranë 10 persona një vit më vonë.

Policia tha në shtator 2022 se ai ishte ende në gjendje të lëshonte komanda në lidhje me mënyrën se si drejtohej mafia në zonën përreth qytetit perëndimor siçilian të Trapanit, bastioni i tij rajonal, pavarësisht zhdukjes së tij prej kohësh.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.