Portugali, aksident i rëndë automobilistik me turistë gjermanë

ATSH 18 Prill 2019

MADEIRA, 18 prill /ATSH-DPA-ANSA/ – Të paktën 29 persona, shumica prej tyre gjermanë, humbën jetën si pasojë e një aksidenti automobilistik, kur një autobus me turistë u rrëzua në ishullin portugez të Madeiras, raportojnë mediat lokale.

Në këtë autobus ndodheshin 57 persona.

Autobusi u rrëzua poshtë një argjinature në qytetin bregdetar të Kanikos, në lindje të Funkalit, kur shoferi humbi kontrollin në një kthesë.

Shkaku i aksidentit mbetet ende i paqartë, ndërsa mediet vendase raportuan për një gabim mekanik të sistemit të frenimit ose të pedalit të gazit.

Merkel: E trishtuar për tragjedinë

Kancelarja gjermane, Angela Merkel shprehu ngushëllimet e saj për viktimat e aksidentit në ishullin portugez të Madeiras, ku 29 persona humbën jetën, shumica prej të cilëve se ishin nga Gjermania.

“Me trishtim dhe tronditje shpreh ngushëllimet e mia të përzemërta për bashkatdhetarët tanë si dhe të gjithë ata që u prekën nga aksidenti i tmerrshëm i autobusit në Madeira”, theksoi Merkel në një deklaratë.

Ajo gjithashtu falënderoi shërbimet e shpëtimit dhe mjekët në Madeira për përpjekjet e tyre.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.