Projekti “THEMA”, promovimi i identitetit kulturor Shqipëri-Greqi

ATSH 16 Dhjetor 2018

Projekti “THEMA” ka bërë bashkë institucione vendore të Shqipërisë dhe Greqisë për promovimin e identiteteve kulturore në rajonin ndërkufitar mes dy vendeve.
Në vijim të zbatimit të Projektit “THEMA”, institucioni i prefektit të qarkut Gjirokastër, së bashku me partnerët e tjerë të kësaj nisme ndërkufitare, ka realizuar turin e dytë studimor në qarkun e Gjirokastrës, me qëllim promovimin e identiteteve kulturore dhe turistike nëpërmjet teknologjive të reja, në shërbim të zhvillimit të rrugëve tematike në rajonin ndërkufitar Greqi-Shqipëri.
Partnerët e Projektit “THEMA”, Qendra për Bashkëpunim dhe Zhvillim Rajonal RCDC, institucioni i prefektit të qarkut Gjirokastër, Agjencia Kombëtare e Turizmit në Shqipëri dhe Shoqata e Hoteleve të Rajonit të Janinës kanë vizituar javën e parë të muajit dhjetor kalanë e Gjirokastrës, qytetin e lashtë të Antigonesë, Libohovën, Peshtanin, Përmetin, ujërat termale në Bënjë dhe Piskovën, duke parë nga afër potencialin turistik që ofrojnë këto vende me trashëgiminë, historinë, natyrën dhe kulturën që mbartin.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.