Radev: Sofja dhe Athina dëshmuan se mund të lënë pas çështjet e së kaluarës

ATSH 11 Dhjetor 2022

Bullgaria dhe Greqia kanë dëshmuar se dy vende dhe dy popuj mund të lënë pas çështjet e së kaluarës dhe të zhvillojnë një partneritet strategjik të bazuar në vlerat evropiane, deklaroi presidenti bullgar, Rumen Radev në një konferencë pasi i dorëzoi presidentes greke, Katerina Sakellaropoulou “Urdhërin e Ballkanit” për shërbimet e saj në zhvillimin e marrëdhënieve dypalëshe.

Sakellaropoulou ndodhet në një vizitë zyrtare në Bullgari me ftesë të presidentit Radev.

“Vizita e presidentes greke Sakellaropoulou thekson rëndësinë e marrëdhënieve jashtëzakonisht dinamike mes dy vendeve dhe është një shprehje e nivelit të shkëlqyer të bashkëpunimit mes Bullgarisë dhe Greqisë”, tha Radev.

Sipas presidentit, zhvillimi i marrëdhënieve dypalëshe është i një rëndësie strategjike për sigurinë, paqen dhe prosperitetin në të gjithë rajonin.

“Bullgaria dhe Greqia kanë bërë progres në shumë fusha gjatë viteve të fundit, përfshirë pandeminë. Vetëm në tre vitet e fundit, tregtia dypalëshe është rritur me mbi një miliard euro duke arritur në 4,5 miliardë”, theksoi Radev.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.