Rama: Kadastra bashkëpunim me Prokurorinë Speciale për titujt e pronësisë

ATSH 11 Mars 2023

TIRANË, 11 mars/ATSH/ Kryeministri Edi Rama i kërkoi sot drejtores së të Kadastrës bashkëpunim me Prokurorinë Speciale për titujt e pronësisë së tokës të njohur si AMPT.
Gjatë takimit për prezantimin e drejtores së re të Kadastrës, Dallëndyshe Bici, Rama tha se, do të amendohet ligji për të mos lejuar lëshimin e titujve të tjerë AMPT.
“Duhet një bashkëpunim i ngushtë me Prokurorinë Speciale dhe sa i takon AMPT, që kanë gjetur hapësirë edhe në njësitë bashkiake, e që prodhojnë dokumente AMPT që jepen tani, por pretendohet se janë dhënë në 1991”, u shpreh Rama.
Sipas tij, duhet edhe një ndërhyrje tjetër ligjore për të ndaluar dhënien e çdo AMPT-je tjetër në Shqipëri.
“Fenomeni i daljes së AMPT-së nëpër prona të konsoliduara nga investitorët dhe në rrugën e zhvillimit për të kërkuar pjesë të pamerituar nuk duhet të lejohet të marrë formë. Duhet një punë intensive për të trajtuar problemin e përçartjeve të institucioneve lidhur me legalizimet”, u shpreh ai.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.