Rama, ndjek në stadium Juventusin; poston foto me Ronaldon

Tribuna TV 26 Gusht 2018

Kryeministri Edi Rama ka fluturuar të shtunën drejt Torinos, për të ndjekur në Allianz Stadium ndeshjen Juventus-Lazio (2-0).

Rama ka postuar në instagram dhe facebook fotografi me presidentin e “Juves”, Andrea Agnelli, Cristiano Ronaldon, si dhe një foto me fanellën e Juventusit, ku kanë nënshkruar lojtarët e ekipit.

Prania e kryeministrit në Torino, i ka dhënë shkas opozitës, që ta akuzojë për shpërdorim të fundeve publike. Nënkryetari i PD, Edi Paloka, denoncoi se “Edi Rama përdori një helikopter Kugar për të shkuar nga Vlora në aeroportin e Rinasit, dhe nga atje, një avion privat për të fluturuar përtej detit, në kohë limit për fërshëllimën e parë në Juventus-Lacio”.

Por drejtori i komunikimit në Kryeministri, Endri Fuga është përgjigjur duke treguar se kryeministri udhëtoi në Torino bashku me Drejtorin Sportiv të Lazios, Igli Tare. Sipas Fugës, ata janë nisur nga Rinasi me një avion të prenotuar nga klubi i Lazios për drejtorin sportiv, Igli Tare, i cili pasi ka kaluar disa ditë pushime në jug në Shqipërisë, është kthyer në detyrën e tij.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.