Refuzim i qartë për rikthimin e Neymarit te Barcelona

Refuzim i qartë për rikthimin e Neymarit te Barcelona - Kush e kundërshtoi

Tribuna News Network 06 Gusht 2023

Mundo Deportivo raporton për një zhvillim interesant në merkaton e Neymarit. Transferimi i tij nga Barcelona në PSG për 222 mln euro në verën e vitit 2017 mbetet ende transaksioni më i shtrenjtë në historinë e futbollit.

Gazeta spanjolle shkruan se ylli i Kombëtares braziliane dëshironte të rikthehej në Camp Nou. Megjithatë, Xavi ka vendosur të votojë kundër kësaj idejeje. Trajneri i Barcelonës ka refuzuar me kategorikësi mundësinë e rikthimit të 31-vjeçarit te skuadra kampionese e Spanjës.

Xavi nuk e përjashton talentin dhe aftësitë e Neymarit, me të cilin ka luajtur së bashku në Barcelonë. Megjithatë, ai ka një shqetësim tjetër. Ish-mesfushori i shquar ka marrë këtë vendim për të mos prishur ekuilibrin dhe harmoninë që janë krijuar gjatë një viti e gjysmë në skuadrën e Barcelonës.

Neymar ka dhënë një kontribut të jashtëzakonshëm në sezonin e kaluar me PSG-në, duke shënuar 18 gola dhe bërë 17 asiste në 29 ndeshje të zhvilluara.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.