Publikohen rezultatet e provimeve për Certifikatën e Natyralizimit
Tribuna News 03 Dhjetor 2025
Janë shpallur rezultatet e provimeve për Certifikatën e Njohurive për Natyralizim (P.E.G.P.), të mbajtura më 2 nëntor 2025.
Në këtë proces konkurrues morën pjesë 3.399 kandidatë, nga të cilët 3.385 u vlerësuan, dhe 1.508 kandidatë rezultuan të suksesshëm, duke arritur një përqindje suksesi prej 44,55%. Vlen të përmendet se 14 kandidatë u penalizuan me zero pikë për tentativë kopjimi.
Ministria e Brendshme i uron të gjithë kandidatët e suksesshëm dhe u bën thirrje që tani të kontaktojnë shërbimin e shtetësisë në zonën e tyre për të vijuar me procedurat e mëtejshme drejt marrjes së shtetësisë greke.
Më shumë informacione mund të gjenden këtu:
https://www.ypes.gr/g-g-ithageneias/diadikasies-ktisis-e-i/politografisi-allogenon & https://www.ypes.gr/g-g-ithageneias/dieuthinsi-ithageneias/cat-building–kentriki-dieythynsi-ithageneias)
Përmirësime dhe siguri në procesin e provimeve
Sekretariati i Përgjithshëm i Shtetësisë ka vendosur një sërë masash për të bërë procesin më të sigurt dhe transparent:
- Përditësimi dhe riformulimi i pyetjeve në bankën e pyetjeve, për pyetje më të qarta dhe të përditësuara
- Përdorimi i pajisjeve portative për zbulimin e pajisjeve elektronike në qendrat e provimeve
- Informimi i kandidatëve me SMS dhe email në çdo fazë të procesit
- Integrimi i aplikacioneve dixhitale si certifikata KEPA, myPhoto dhe Regjistri Kombëtar i Komunikimit
- Krijimi i mekanizmave të përgjigjes së shpejtë për pyetje dhe mbështetje të kandidatëve
- Formimi i komiteteve shtesë për provimet gojore dhe testet e të folurit, duke reduktuar ndjeshëm kohën e pritjes
- Organizimi i seminareve trajnues për vlerësuesit dhe anëtarët e komiteteve
- Përforcimi i sigurisë së procesit me kontrolle të brendshme dhe mekanizma dixhitale shtesë
Qëllimi i këtyre masave është forcimi i besueshmërisë së procesit, përmirësimi i tij i vazhdueshëm dhe mbështetja më efektive e kandidatëve drejt marrjes së shtetësisë greke
Ndaje me miqte
