Rrëzohet avioni luftarak grek, humb jetën piloti

Tribuna TV 12 Prill 2018

Një avion model Mirage 2000-5 është zhdukur nga radari mesditën e të enjtes, ndërsa më vonë, piloti i tij ka rezultuar i vdekur.

Lajmin e ka dhënë vetë ministri i mbrojtjes, Panos kammenos, me nj[ë status në rrjetin social Twitter.

“Një pilot grek bashkohet me panteonin e heronjve. Ai ra në mbrojtje të sovranitetit tonë kombëtar dhe integritetit territorial”, shkruan Kammenos.

Shtabi i Përgjithshëm i Forcave Ajrore Greke njoftoi, kontakti me këtë avion u shkëput në orën 12:15, rreth 9 milje detare në verilindje të ishullit të Skirosit.

Në zonë kanë shkuar menjëherë ekipet e shpëtimit që po vazhdojnë kërkimet.

Sipas televizionit publik, ERT, avioni bënte pjesë në një patrullë prej dy avionësh që kishin interceptuar dy avionë luftarakë turq.

Këto janë operacione të shpeshta që zhvillohen në detin Egje ku Greqia akuzon rregullisht Turqinë se ka shkelur hapësirën ajrore greke.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.