Rrëzohet helikopteri, vdesin tre personat që ishin në bord

TV TRIBUNA 20 Gusht 2019

3 persona kanë humbur jetën në Greqi, pasi helikopteri me të cilin po fluturonin, u rrëzua në det.

Ngjarja ndodhi pasditen e të martës në Galatas, përballë ishullit të Poros në jug të gjirit Saronik.

Në vendngjarje shkuan menjëherë ekipet e shpëtimit që pas dy orë kërkimesh, gjetën trupat pa jetë të dy pasagjerëve me shtetësi ruse dhe të pilotit grek.

Helikopteri ishte marrë me qira nga një kompani aviotaksi dhe destinacioni përfundimtar ishte aeroporti ndërkombëtar i Athinës.

Shkak i aksidentit vlerësohet të ketë qenë përplasja e helikave me kabllot e linjës elektrike që lidh Galatan me Porosin.

Siç raportohet, të dy këto zona momentalisht kanë mbetur pa energji.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.