Senatori amerikan Johnson në Shkup: Votoni pro marrëveshjes për emrin

ATSH 10 Shtator 2018

Senatori republikan amerikan, Ron Johnson u kërkoi dje në Shkup maqedonasve që të merrnin pjesë gjerësisht në referendumin e 30 shtatorit dhe të votonin pro një marrëveshjeje për emrin me Greqinë.

I konsideruar shumë i afërt me presidentin Donald Trump dhe i përfshirë shpesh në misione delikate, Johnson u takua me kryeministrin socialdemokrat maqedonas, Zoran Zaev.

“Shkoni në qendrat e votimit dhe përdorni të drejtën tuaj të votës për të treguar mbështetjen për vendin tuaj dhe integrimin e tij në institucionet euroatlantike”, deklaroi Johnson.

Një ”po” në referendum do të hiqte përfundimisht veton pothuajse 30-vjeçare të Athinës ndaj integrimit të Maqedonisë së këto institucione.

“Qëllimi i vizitës sime është demonstrimi i mbështetjes së plotë amerikane në zgjidhjen e mosmarrëveshjeve me Greqinë dhe i integrimit të vendit në NATO dhe BE”, theksoi Johnson.

Misione të tjera të ngjashme për ”po”-në e referendumit janë bërë në Maqedoni ditët e fundit edhe kancelarja gjermane, Angela Merkel, sekretari i përgjithshëm i NATO-s, Jens Stoltenberg dhe kancelari austriak, Sebastian Kurz.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.