Shkëmbimet tregtare me Greqinë 22 miliardë lekë

ATSH 25 Prill 2022

TIRANË, 25 prill/ATSH/ Eksportet drejt Greqisë gjatë 3-mujorit të këtij viti shënuan rritje, krahasuar me të njëjtën periudhë të një viti më parë.

Sipas të dhënave zyrtare të Institutit të Statistikave, INSTAT, eksportet gjatë periudhës janar-mars në vlerë llogariten 5.6 miliardë lekë, ndërsa në të njëjtën periudhë të 2021 ishin 4.6 miliardë lekë.

Shkëmbimet tregtare të Shqipërisë me Greqinë gjatë 3-mujorit zunë 6.6 % të totalit të gjithë tregtisë. Në vlerë ato arritën gati 22 miliardë lekë.

Importet e mallrave nga Greqia në Shqipëri, gjatë periudhës janar-mars arritën në mbi 16 miliardë lekë, kur një vit më parë (2021) u importuan mallra në vlerë 13.2 miliardë lekë.

Në vlerën e mallrave të importuara nga shteti fqinj, vendin kryesor e zënë grupi i mallrave ”ushqime, pije dhe duhan” me vlerë 4.2 miliardë lekë, i ndjekur nga grupi “minerale, lëndë djegëse, energji elektrike” në vlerën 3.4 miliardë lekë dhe grupi “materiale ndërtimi dhe metale”.

Importi i kësaj kategorie arriti për këtë periudhë vlerën e 3.2 miliardë lekëve.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.