Shqipëri, goditje tërmeti me magnitudë 4.9

29 Janar 2020

Shqipëria u godit nga një tjetër tërmet i fortë mbrëmjen e së martës. Lëkundjet me një magnitudë 4.9, patën epiqendrën, 3 kilometra në veri të fshatit Bubq, në zonën e Fushë Krujës dhe ato u ndjenë të fuqishme dhe në Durrës, Tiranë, Lezhë por dhe në qytete të tjera të vendit.

Autoritetet deklaruan se për momentin nuk kanë njoftime për dëme. Ndjesia e frikës, pas tërmetit të 26 Nëntorit, i një magnitude 6.4 të shkallës Richter, i cili shkaktoi 51 viktima, u rishfaq dhe ishin të shumtë qytetarët që dolën nga banesat e tyre.

Në Durrës, brenda pak minutash, trafiku në dalje të qytetit u rëndua nga automjetet të shumta që tentonin të largoheshin.

Në Tiranë, qytetarët preferuan sheshet e hapura, ndërsa disa pasgoditje të tjera u regjistruan sërish, ndonëse me intensitet më të ulët.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.