Shtyrja e lejeve, vendimi publikohet në Fletoren zyrtare

TV TRIBUNA 01 Prill 2021

Në Fletoren zyrtare të qeverisë greke është publikuar vendimi i ministrit të emigracionit dhe azilit, Notis Mitarakis, mbi shtyrjen e re që u dha për lejet e qëndrimit dhe vërtetimet (veveosit).

Vlefshmëria e lejeve të qëndrimit dhe e vërtetimeve të qytetarëve nga vendet e treta që skaduan apo do të skadojnë:

(a) Nga 1 janari 2020 deri në 31 korrik 2020 vlefshmëria e të cilave u shty automatikisht deri në 31 mars 2021,

(b) Nga 1 gushti 2020 deri në 31 mars 2021, vlefshmëria e të cilave u shty automatikisht për 8 muaj nga data fillestare e skadimit

(c) Nga 1 prilli 2021 deri në 30 dhjetor 2021,

SHTYHEN AUTOMATIKISHT DERI NË 31 DHJETOR 2021.

Ministri i emigracionit e argumenton vendimin e tij me “nevojën e vazhdimësisë në garantimin e qëndrimit të ligjshëm të qytetarëve nga vendet e treta në Greqi, kryerjes pa pengesa të veprimeve me shërbimet publike dhe aksesin e tyre në të drejtat që burojnë nga lejet që posedojnë gjatë zbatimit të masave emergjente për shkak të Covid-19.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.