Si do të aplikoni në platformën e re

Tribuna TV 21 Qershor 2020

Ministria e emigracionit thotë se brenda dy orësh që nga aktivizimi i platformës së re, 800 veta kishin mbyllur takime për të marrë në dorëzim lejen e qëndrimit.

Njoftimi, i publikuar të hënën në portalin e ministrit Panajotis Mitarakis, nënvizon se me platformën e re përshpejtohet shërbimi i publikut nga të dhjetë drejtoritë e mëdha rajonale të emigracionit, ai dhe nga shërbimi qendror i ministrisë.

“Ditët e ardhshme do të jepet edhe mundësia e paraqitjes së dokumentave të nevojshme për nxjerrjen e lejes së qëndrimit në mënyrë dixhitale, ndërsa do të bëhet edhe zgjerimi i funksionimit të platformës edhe për veprime të tjera që lidhen me nxjerrjen elektronike të lejes së qëndrimit”, përfundon njoftimi i ministrisë së emigracionit.

Televizioni Tribuna paraqet sot tre hapat që bëhen për të caktuar takim dhe marrjen në dorëzim të lejes së qëndrimit.

HAPI i PARË:

Futemi në platformën e posaçme për të parë ecurinë e aplikimit tonë.

Adresa është:

http://pf.emigrants.ypes.gr/pf

aty, plotësojmë mbiemrin me germa latine, numrin e pasaportës, shkruajmë numrat apo shifrat që nxjerr portali dhe shtypim ANAZITISI.

 

Në rast se përgjigja që del është ETIMI GIA PARALAVI = GATI PËR T’U MARRË, kalojmë në

HAPI I DYTË

Futemi platformën e re, në adresën https://applications.migration.gov.gr/

Shtypim METANASTEFSI

Pastaj ILEKTRONIKO RANDEVU GIA TIN APIDOSI TIS ADEIAS DIAMONIS

Në rast se e kemi bërë më përpara regjistrimin dhe kemi marrë edhe fjalëkalimin, i vendosim te faqja ku thotë EISODOS.

Përndryshe, bëjmë regjistrimin.

HAPI I TRETË

Në rast se na ka dalë leja e qëndrimit, do të dalë njoftimi për datën dhe orën se kur duhet të paraqiteni në shërbimin e emigracionit për të marrë lejen.

 

KUJDES!

Aksesi në shërbimet e platformës merret pasi të bëhet regjistrimi. Mundësinë e regjistrimit e kanë poseduesit e lejes së qëndrimit përderisa nuk është mbushur një vit nga skadimi i saj gjatë datës së regjistrimit.

Gjithashtu, të drejtën e aksesit e kanë shtetasit të vendeve të treta që janë të mitur ditën e regjistrimit, por maturohen gjatë skadimit të lejes së qëndrimit.

Për arsye sigurie, koha maksimale e përdorimit të shërbimit është 30 minuta. Me plotësimin e kësaj kohe, shërbimi shkëputet automatikisht me mesazhin “LIKSI HRONU SINDESIS” = “MBAROI KOHA E LIDHJES” dhe lipset të futeni sërish nga e para. Koha që ju mbetet në dispozicion shfaqet në pjesën e sipërme të ekranit, me karaktere të kuqe.

 

Shkëputje nga vetë përdoruesi

Për arsye sigurie rekomandohet shkëputja e përdoruesit nga sistemi kur nuk dëshiron të përdorë më tej shërbimin. Kjo bëhet duke shtypur “APOSINDESI” = “shkëputje” BË PJESËN E SIPËRME TË EKRANIT.

 

Për momentin, shërbimet elektronike për marrjen e lejes së qëndrimit ofrohen vetëm për drejtoritë e emigracionit që vijojnë:

ATHINË A

SEKTORI QENDROR DHE ATIKA PERËNDIMORE

SEKTORI VERIOR DHE ATIKA LINDORE

SEKTORI JUGOR, PIREU DHE ISHUJT

AHAIA

LARISA

MAGNESIA

SELANIKU

DEDEKANEZI

EGJEU JUGOR

DEGA E LEJEVE TË QËNDRIMIT NË MINISTRINË E EMIGRACIONIT

Ndaje me miqte