Sondazhi: Avantazh me 10% i ND kundrejt SYRIZA-s

TV Tribuna 31 Mars 2019

Një avantazh konstant prej 10 njësish ruan Demokracia e Re kundrejt SYRIZA-s në sondazhin e fundit të kompanisë Pulse për televizionin Skai.

Sondazhi u zhvillua me anketimin e 1.452 personave që kanë të drejtë fote.

Demokracia e Re merr 32,5%, SYRIZA 22,5%.

Në raport me sondazhin e parafundit të kryer nga e njëjta kompani në muajin shkurt 2019, Demokracia e Re mbetet në kuota të qëndrueshme, ndërsa SYRIZA ka një rritje prej një njësie.

Në vendin e tretë ndodhen Agimi i Artë dhe Lëvizja për Ndryshim (KINAL) me nga 7,5% dhe vijon partia Komuniste me 6%.

Nëse konfirmohen rezultatet e sondazhit në ditën e zgjedhjeve kombëtare, parlamenti i ri do të ketë pesë parti, çka do të thotë se mbeten jashtë Unioni i Qendrës, partia e Kammenos dhe Potami i Stavro Theodorakisit.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.