Sondazhi, në 2,9% diferenca ND-SYRIZA

TV TRIBUNA 15 Mars 2023

Në ngushtim të diferencës midis Demokracisë së Re në pushtet dhe partisë më të madhe opozitare SYRIZA ka rezultuar sondazhi i fundit -nën hijen e ngjarjes tragjike në Tempi- që u transmetua të martën në TV Open.

Një tjetër element bazik është se zemërimi për aksidentin nuk përfshin vetëm qeverinë aktuale, por edhe të mëparshmet.

Është karakteristike se fjala “zemërim” i shpreh më së shumti qytetarët (63,4%).

Në pyetjen se cili apo cilët kanë përgjegjësi kryesore për aksidentin 48,8% përgjigjen se e ka qeveria aktuale dhe gjithë qeveritë e mëparshme; 13% kryesisht qeveria aktuale; 8,8% dispeçeri; 8,5% ministria e transporteve dhe ish ministri Karamanlis; dhe 5,6% kryesisht qeveritë e mëparshme.

62,5% e qytetarëve kanë vlerësuar negativisht qëndrimin e qeverisë dhe të kryeministrit Mitsotakis, ndërsa qëndrimin e SYRIZA-s dhe të Aleksis Tsipras e kanë vlerësuar negativisht 51,78%.

Sa i përket orientimit të votës, diferenca ndërmjet dy partive kryesore rezulton 2,9%.

Më konkresisht:

ND 27,4% (nga 30,25% në sondazhin e mëparshëm)

SYRIZA 24,5% (nga 24,3%)

PASOK-KINAL 9% (nga 10,5%)

KKE 5,1% (5%)

Elliniki Lysi 4,5% (nga 4,4%)

MeRA25 3,9%.(nga 2,9%)

Shqetësuese është kuota që merr partia “Ellines” e drejtuar nga Ilias Kasidiaris që është dënuar me akuza për organizatën kriminale Agimi i Artë.  

Ndaje me miqte