Të dielën 31 mars ndryshon ora

TV Tribuna 29 Mars 2019

Ashtu si çdo vit, të dielën më 31 mars ndryshon ora dhe bëhet kalimi në orën verore.

Në ora 03,00 të 31 marsit, akrepat e sahatit do të shkojnë 60 minuta përpara, duke treguar se ora është 04,00.

Ora ndryshon gjithmonë të dielën e fundit të marsit (60 minuta para) dhe të dielën e fundit të tetorit (60 minuta mbrapa).

Vihet në dukje se Parlamenti Europian ka miratuar ashtu siç pritej, projektin e shfuqizimit të ndryshimit të orës nga dimërore në verore në Europë, që nga viti 2021.

Sipas vendimit që u miratuar nga PE në Strasburg, qeveritë që duan të mbajnë gjithmonë orën verore do t’i ndryshojnë për herë të fundit akrepat e sahatit të dielën e fundit të marsit 2021, ndërsa ato që dëshirojnë të mbajnë gjithmonë orën dimërore, do t’i ndryshojnë për herë të fundit akrepat e sahatit të dielën e fundit të tetorit 2021.

Shtetet anëtare të BE-së kanë afat të vendosin deri në prill 2020.

Ndaje me miqte