Tërmet 5,3 Rihter në Kroaci, dëme materiale në  Zagreb

TV Tribuna 22 Mars 2020

Një tërmet me magnitudë 5,3 gradë të shkallës Rihter është shënuar në Kroaci mëngjesin e të dielës, në ora 07,24.
Epiqendra e tërmetit u lokalizua 7 km në veri të kryeqytetit Zagreb. Tërmeti u ndje fuqishëm, ndërsa thellësia e vatrës ishte e vogël, vetëm 10 km.
40 minuta më vonë pasoi një tjetër lëkundje, me magnitudë 5,1 rihter.
Nga tërmeti janë shkaktuar dëme të konsiderueshme materiale në kryeqytetin e vendit, ndërsa u shembën kullat e një katedraleje.
Nuk raportohen viktima apo të lënduar. 
Ministri i brendshëm i Kroacisë, Davor Bozinovic, me një mesazh në Twitter, apeloi ndaj qytetarëve që kanë dalë rrugëve, të ruajnë distancat nga njeri tjetri.

Kroacia po lufton, ashtu si dhe gjithë vendet e tjera, që të kufizojë shtrirjen e Koronavirusit. Deri në këto momente në Kroaci janë evidentuar 206 raste dhe një vdekje nga Covid.
 

Ndaje me miqte