Tiranë-Elbasan, hapet rruga deri tek Tuneli i Kërrabës

ATSH 15 Mars 2019

Pas 8 vitesh punime rruga Tiranë-Elbasan bëhet e kalueshme në të gjithë aksin e saj. Sot, më 14 mars, Ditën e Verës, hapet njëri krah i segmentit nga kryqëzimi i Ibës deri tek hyrja e tunelit të Kërrabës. Mjetet do të kalojnë në karrexhatën e majtë të këtij segmenti, ndërkohë që më parë kalimi bëhej nga aksi i vjetër nga Mulleti.

Ndërkohë është hapur plotësisht segmenti nga TEG-u deri tek kryqëzimi i Ibës, që deri më herët është bërë vetëm në karrexhatën e djathtë.

Janë hapur të dyja karrexhatat e segmentit nga rreth rrotullimi TEG km 0(2+800) deri tek rrethrrotullimi Ibë km 10+500, karrexhata e majtë të segmentit nga rrotullimin Ibë km 10+500 deri tek hyrja e tunelit të Kërrabës km 13+000(15+850).

Të dyja karrexhatat e segmentit nga rreth rrotullimi TEG km 0(2+800) deri tek rreth rrotullimi Ibë km 10+500, do të jenë të kompletuara me të gjithë elementët e sigurisë rrugore në përputhje me projektin dhe në funksion të plotë te trafikut sipas senseve respektive të lëvizjes. Nga rreth rrotullimin Ibë km 10+500 deri tek hyrja e tunelit te Krrabës km 13+000(15+850), në dispozicion të përdoruesve do të jetë karrexhata e majtë për të dyja senset e lëvizjes (Tiranë –Elbasan dhe Elbasan- Tiranë), deri në përfundimin e punimeve civile të këtij segmenti.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.