Trump mund të qëndrojë në Kretë

Tribuna TV 08 Qershor 2018

Presidenti amerikan, Donald Trump ka shumë gjasë që këtë fundjavë të qëndrojë për pak në territorin grek, rrugës për në Singapor, ku pritet të takohet me liderin e Koresë së Veriut Kim Jong un.

Në bazën ushtarake amerikane të Sudas në ishullin e Kretës, po bëhen përgatitje të ethshme për pritjen e presidentit Donald Trump.

Burime nga ambasada amerikane në Athinë kanë konfirmuar operacionin e përgatitjeve, duke folur për agjencinë zyrtare të lajmeve ANA-MPA.

Sipas ambasadës amerikane, ka shumë gjasë që avioni Air Fprce One të ulet në bazën e Sudas për furnizim.

Gjithsesi, burimet nga ambasada amerikane kanë theksuar se ende nuk është fiksuar përfundimisht nëse avioni do të ulet apo jo në Kretë, pasi programi i udhëtimit është ende duke u hartuar.

Në fundjavë, presidenti Donald Trump do të niset për në Singapor, ku të martën do të zhvillojë takimin historik me liderin e Koresë së veriut, Kim Jong un.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.