Trump përgëzon Tsipras - Zaev për marrëveshjen e Prepës

Tribuna TV 21 Shkurt 2019

Presidenti amerikan Donald Trum i ka dërguar një letër kryeministrit grek, Aleksis Tsipras, për ta përgëzuar pas votimit nga parlamenti grek të Marrëveshjes së prespës.

Sipas Trump, marrëveshja përbën një arritje historike për Balkanin, si dhe dëshmon kurajën prej udhëheqësi të zotit Tsipras.

Më tej, presidenti amerikan shton se Greqia dëshmoi se është shtyllë e stabilitetit në një rajon të komplikuar dhe shpreh shpresën se marrëveshja do të frymëzojë dhe vende të tjera në rajon që të zgjidhin mosmarrëveshjet ndërmjet tyre.

Presidenti Trump konkludon se Greqia është një aleat dhe partner i rëndësishëm i SHBA dhe se synon në vazhdimin e bashkëpunimit për garantimin e paqes dhe të prosperitetit në Mesdheun Lindor dhe në Ballkan.

Një letër të ngjashëm i ka dërguar presidenti amerikan edhe kryeministrit të Maqedonisë së Veriut, Zoran Zaev.

“Është arritja më historike në Ballkan pas marrëveshjes së Dejtonit (1995) dhe shfaq aftësitë kurajoze prej lideri, që treguat. Me përpjekjet që bëtë, bashkë me kryeministrin Aleksis Tsipras garantuat një të ardhme më të qëndrueshme dhe prosperte, jo vetëm për të dy vendet, por edhe për gjithë rajonin”, vë në dukje presidenti Trump.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.