Tsipras dhe Erdogan konstatojmë përmirësim të klimës ndërmjet Athinës dhe Ankarasë

Tribuna TV 26 Shtator 2018

Kryeministri grek Aleksis Tsipras dhe presidenti turk Recep Tayipp Erdogan, kanë konstatuar një klimë më të mirë sa se në takimin e tyre të mëparshëm, në muajin korrik, sipas burimeve qeveritare grek të cituara nga agjencia ANA-MPA.

Të dy ata u takuan për një orë, në kuadër të pjesëmarrjes së tyre në sesionin e 73-të të asamblesë së përgjithshme të OKB-së, në Nju Jork.

Sipas të njëjtave burime, të dy palët ranë dakord të vënë sërish në tryezë një axhendë pozitive për marrëdhëniet ndërmjet të dy vendeve dhe zoti Erdogan e ftoi kryeministrin grek për një takim zyrtar pune që do të zhvillohet në Stamboll.

Kryeministri grek theksoi se për promovimin e marrëdhënieve dypalëshe ka rëndësi kruciale respekti ndaj të drejtës ndërkombëtare dhe ulja e tensionit në detin Egje. U ra dakord që të intensifikohen kontaktet në këtë drejtim dhe të vihen në zbatim masat e krijimit të besimit.

Tsipras dhe Erdogan ndanë të njëjtin mendim se duhet përforcuar bashkëpunimi i autoriteteve të të dy vendeve për zbatimin e marrëveshjes BE-Turqi, me qëllim reduktimin e mëtejshëm të fluksit të refugjatëve dhe emigrantëve.

U ra gjithashtu dakord për forcimin e bashkëpunimit në fushën e sigurisë (përballimi i terrorizmit dhe shkatërrimi i rrjeteve të trafikantëve).

Burimet qeveritare greke thanë se gjatë takimit presidenti Erdogan shtroi sërish çështjen e tetë ushtarakëve turq që u larguan për në Greqi pas tentativës së dështuar për grusht shteti (korrik 2016), duke përsëritur qëndrimet konstante të Ankarasë për këtë temë.

Ndaje me miqte