Tsipras: Kërkoj votëbesim për qeverinë

Tribuna TV 13 Janar 2019

Pas largimit nga qeveria të Panos Kammenos dhe grekëve të Pavarur, kryeministri Aleksis Tsipras tha se do të kërkoj votëbesimin e kabinetit të tij.

Tsipras shtoi se ka folur me kryetarin e parlamentit, me qëllim që të avancojnë procedurat përkatëse, me qëllim që të finalizohet mandati kushtetues i qeverisë, në tetor 2019.

Sipas burimeve mediatike, seanca për votëbesimin e qeverisë do të fillojë të martën dhe votimi do të kryhet të enjten.

Sa i përket largimit të Kammenos, Tsipras bëri deklaratën e mëposhtme:

“Për thuajse katër vjet kisha një bashkëpunim të ndershëm dhe të sinqertë me Panos Kammenos dhe është e njohur se u përkasim familjeve të ndryshme politike.

Me bashkëpunimin tonë e nxorrëm vendin nga programet e shpëtimit dhe arritëm të mbështesnim shtresat më të dobëta, ndërsa u hap rruga për luftimin e korrupsionit.

E falënderoj nga zemra Panos Kammenosin për kontributin e pazëvendësueshëm gjatë gjithë këtyre viteve”.

Tsipras gjithashtu komunikoi edhe zëvendësin e zotit kammenos në krye të ministrisë së mbrojtjes. Ai do të jetë shefi aktual i shtabit të përgjithshëm të forcave të armatosura, admirali Evangelos Apostokalis.

Ndaje me miqte