Tsipras për negociatat me Shkupin: "Po shkojmë të marrim, jo të japim"

Tribuna TV 25 Maj 2018

Kryeministri grek Aleksis Tsipras ka deklaruar se Greqia, në negociatat që po zhvillohen për emrin e FYROM, “synojmë të marrim diçka që të tjerë e dorëzuan para 70 e më shumë vjetësh”.

“Fqinjët tanë veriorë”, tha Tsipras, “për mbi 70 vjet kanë një entitet shtetëror, qoftë në kuadër të federatës jugosllave, qoftë si shtet i pavarur më vonë pas shpërbërjes së Jugosllavisë, që quhet Maqedoni dhe mbajnë një emër i cili, pas asnjë referencë tjetër revokon botën antike greke dhe trashëgiminë e rëndë kulturore të Maqedonisë greke. Këtë po shkojmë të marrim. Nuk është e lehtë. Disa budallenj na thonë se po shkojmë të japim. Shkojmë që të marrim, jo që të japim”.

Nga Selaniku ku ndodhet të premten për një vizitë, Tsipras shtoi:

“Po shkojmë të pajtohemi me fqinjët tanë të cilët kanë një entitet shtetëror që për 70 vjet quhet Maqedoni, por që nuk ka asnjë lidhje me Aleksandrin e Madh dhe rrugëtimin e tij historik. Kanë rrënjë sllave dhe shqiptare dhe këtë ata e pranojnë”.

Duke iu referuar vetë negociatave që janë në zhvillim e sipër, kryeministri grek tha se ato “janë të ndjeshme, kritike, por janë bërë hapa përpara”.

Tsipras i bëri këto deklarata pas takimit me kryebashkiakun e Selanikut, Janis Butaris, i cili para pak ditësh u dhunua nga ekstremistë të djathtë.

Tsipras tha se qëndrimi i zotit Butaris është shndërruar në një simbol dhe shtoi se ndokush mund të thotë që ishte një sulm i rastësishëm dhe spontan, por në fakt ishte një sulm i organizuar.

Ndaje me miqte