Tsipras: Shpresoj që BE të kuptojë gabimin historik për Shqipërinë dhe MV

TV Tribuna 24 Tetor 2019

Ajo që bëri Bashkimi Europian është e padrejtë dhe shpresoj që së shpejti ai të kuptojë se ka bërë një gabim historik, deklaroi në një intervistë lideri i SYRIZA-s dhe ish-kryeministri grek, Aleksis Tsipras, i cili foli edhe për perspektivën e Maqedonisë së Veriut dhe Marrëveshjen e Prespës.

“Është e padrejtë ajo që bëri Bashkimi Europian. Shpresoj që së shpejti BE të kuptojë se ka bërë një gabim historik”, theksoi ai.

Tsiprasi e komentoi edhe pozicionin e kryeministrit grek Micotakis për Marrëveshjen e Prespës, duke theksuar se ”ai thoshte se kjo marrëveshje ishte e dëmshme, katastrofale dhe tradhëtare, ndërsa tani thotë se duhet t’i përmbahemi asaj dhe ta respektojmë”.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.