Tsipras: Të dish të fitosh, të dish dhe të humbësh"?...

TV TRIBUNA 02 Qershor 2019

Në përfundim të turit të dytë të zgjedhjeve, kryeministri grek, Aleksis Tsipras vizitoi qendrat elektorale të kandidatëve të SYRIZA-s, rena Dourou dhe Nasos Iliopoulos, në Syntagma.

Tsipras shprehu urimet për gjithë ata që fituan në zgjedhjet administrative, ndërsa posaçërisht për kanaidatët e SYRIZA-s nënvizoi se ata dhanë një betejë me kulturë politike dhe mbrojtën me dinjitet pikëpamjet e tyre.

Tsipras tha se “në politikë, ashtu si dhe në jetë, ka rëndësi të dish të fitosh, por ka rëndësi të dish edhe të humbasësh”.

”Por më e rëndësishme është të ngrihesh përsëri e të luftosh”, shtoi Tsipras, duke dashur të japë një mesazh në prag të nisjes së fushatës për zgjedhjet e parakohshme të 7 korrikut.

“Bashkojmë forcat tona për të dhënë betejën e betejave që janë zgjedhjet kombëtare të 7 korrikut”.

Tsipras vuri në dukje se sistemi i ri zgjedhor që u zbatua në këto zgjedhje parashikon konsensusin dhe konvergimin programatik dhe politik në këshillat bashkiakë dhe ato të periferisë.

Sipas tij, është e rëndësishme që në këshillat bashkiakë dhe ato të periferive të gjendet terren  i përshtatshëm për vendime kolektive në dobi të qytetarëve.

Ndaje me miqte