Tsipras, takim me komisioneren e politikës rajonale

Tribuna TV 03 Tetor 2018

Kryeministri grek, Aleksis Tsipras ka pritur të mërkurën komisioneren e politikës rajonale të KE, Corina Cretu.

Vizita bëhet menjëherë pasi Komisioni Europian miratoi një fond prej 121 milionë euro për ndërtimin e aksit rrugor që do të lidhë Aktion (Prevezë) me rrugën Ioniane, një nga akset kryesore që do të ndërlidhë Greqinë veriperëndimore me atë jugore.

Komisionerja do të inspektojë tre vepra të mëdha në sektorin e transporteve dhe mjedisit që janë mbështetur me 1,3 miliardë euro financime nga Komisioni Europian.

Sipas njoftimit për shtyp të KE, “studimi dhe konkretizimi i këtyre veprave u bë i mundur falë projektit “Nisje e re për punësimin dhe zhvillimin në Greqi”. Komisioni e startoi këtë projekt në vitin 2015 me qëllim që të plotësojë programin e axhustimit financiar që Greqia e përmbylli me sukses në 20 gusht 2018. Projekti parashikonte masa emergjente për t’u maksimalizuar shfrytëzimi i fondeve të BE në Greqi me objektiv final stabilizimin e ekonomisë dhe përtëritjen e zhvillimit, të punësimit dhe të investimeve”.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.